ಕನ್ನಡ ಜ್ಞಾನೇಶ್ವರಿ | Kannada Jnaneshwari

ಸಂತ ನಾಮದೇವ (ಕ್ರಿ. ಶ. ೧೨೭೦-೧೩೪೦), ಮೂಲತಃ ಮರಾಠಿಯವರಾದರೂ, ಉತ್ತರ ಭಾರತದ ದೇಶ್ಯ ಭಾಷೆಗಳಲ್ಲಿ ರಚನೆ ಮಾಡಿದವರು; ಅವರನ್ನು ಕುರಿತಾಗಿ ತುಲಸೀದಾಸ, ರೈದಾಸ, ರಾಮಾನಂದ, ಕಬೀರ, ನರಸೀ ಮೆಹತಾ, ಮೀರಾ ಮೊದಲಾದವರು ಆದರದಿಂದ ಉಲ್ಲೇಖಿಸಿದ್ದಾರೆ. ಅವರ ಅನೇಕ ರಚನೆಗಳು ಸಿಖ್ಖರ ಧರ್ಮಗ್ರಂಥವಾದ ‘ಗುರುಗ್ರಂಥ ಸಾಹಿಬ್’ ದಲ್ಲಿ ಅಳವಡಿಸಲಾಗಿವೆ.

ಈ ಜ್ಞಾನೇಶ್ವರಿಯ ಬಗ್ಗೆ ಅವರು ಹೇಳುವುದು : ನಾಮಾ ಮಣೇ ಗ್ರಂಥ ಶ್ರೇಷ್ಠ ಜ್ಞಾನದೇವೀ | ಏಕ ತರೀ ಓವೀ ಅನುಭವಾವೀ |

ನಾಮದೇವ ಹೇಳುತ್ತಾನೆ- ಜ್ಞಾನೇಶ್ವರಿಯು ಗ್ರಂಥಗಳಲ್ಲಿ ಶ್ರೇಷ್ಠವಾದುದು. ಇದರ ಒಂದಾದರೂ ಓವಿಯನ್ನು ಅನುಭವಿಸಬೇಕು.