ನಾ.. ಏರಿದ ಎತ್ತರಕ್ಕೆ ..!! | Na Yerida Yetharakke

ಮಹಿಳೆಯರು ಆತ್ಮಚರಿತ್ರೆಗಳನ್ನು ಬರೆಯಲು ಮುಂದಾಗಿದ್ದು ತಡವಾಗಿದ್ದರೂ, ಇಂದು ಅಂತಹ ಕೃತಿಗಳು ಸ್ತ್ರೀ ಅಸ್ಮಿತೆಯನ್ನು ಗುರುತಿಸಲು ಅತ್ಯಂತ ಮಹತ್ವದ ಆಕರಗಳಾಗಿ ಹೊರಹೊಮ್ಮುತ್ತಿವೆ. ಪಿತ್ರಾರ್ಜಿತ ಸಮಾಜಿಕ ಹಾಗೂ ಸಾಂಸ್ಕೃತಿಕ ಚೌಕಟ್ಟುಗಳು ಮಹಿಳೆಯರ ಪಾಲಿಗೆ ಹಾಕಿದ ಬೇಲಿಗಳ ನಡುವೆಯೂ ತಮ್ಮ ಪ್ರತಿಭೆ, ಆತ್ಮವಿಶ್ವಾಸ ಮತ್ತು ಸ್ವಾಯತ್ತತೆಯನ್ನು ಮೆರೆದ ಮಹಿಳೆಯರ ಶ್ರಮವನ್ನು ಈ ಕೃತಿ ಅನಾವರಣಗೊಳಿಸುತ್ತದೆ.

ಸಂಶೋಧಕಿ ಮತ್ತು ಕವಯಿತ್ರಿ ಡಾ. ದೇವಿಕ ಎಸ್ (ದೇವಗಾನ) ಅವರು ತಮ್ಮ ‘ಸ್ತ್ರೀ ಸಂವೇದನೆ’ ಅಂಕಣದಲ್ಲಿ ಪ್ರಕಟಿತ ಮಹಿಳಾ ಆತ್ಮಕಥೆಗಳ ಸಾರವನ್ನು ಹಿಡಿದಿಡುವ ಮೂಲಕ, ಓದುಗರಲ್ಲಿ ಕುತೂಹಲವನ್ನು ಕೆರಳಿಸಿ ಮೂಲ ಕೃತಿಗಳನ್ನು ಓದಲು ಪ್ರೇರೇಪಿಸುತ್ತಾರೆ. ಸ್ತ್ರೀವಾದಿ ನೆಲೆಯಲ್ಲಿ ಮಹಿಳೆಯರ ಬದುಕು, ಬರಹ ಮತ್ತು ತಾರ್ಕಿಕತೆಗಳನ್ನು ವಿಶ್ಲೇಷಿಸುವ ಅಪರೂಪದ ಕೃತಿಯಾಗಿದೆ.