ತೆರೆದ ಮನ | Tereda Mana

‘ತೆರೆದ ಮನ’ ನರಸಿಂಹಯ್ಯನವರ ವಿಚಾರ, ನೆನಪುಗಳು ಹಾಗೂ ಲಲಿತ ಪ್ರಬಂಧಗಳ ಸಂಕಲನ. ಶಾಲೆ-ಕಾಲೇಜುಗಳಲ್ಲಿ ಕಲಿಯುತ್ತಿರುವ ತರುಣ ತರುಣಿಯರಿಗೆ, ವೈಜ್ಞಾನಿಕ ಮನೋಧರ್ಮ, ವಿಚಾರಶೀಲತೆ, ಜಾತ್ಯಾತೀತತೆ, ಮಾನವೀಯತೆ, ಸಮಾಜಸೇವೆ ಮುಂತಾದ ಮೌಲ್ಯಗಳನ್ನು ಕಲಿಸಲು ಇದಕ್ಕಿಂತ ಉತ್ತಮವಾದ ಮತ್ತೊಂದು ಪುಸ್ತಕ ದೊರೆಯಲಾರದು. ಸರಳವಾದ, ಆದರೆ ಸ್ಪಷ್ಟವಾದ ವೈಚಾರಿಕತೆ ಇಲ್ಲಿನ ಎಲ್ಲ ಲೇಖನಗಳ ಮುಖ್ಯ ಗುಣ. ಆಚರಣೆಗೆ ತರಲಾಗದ ಯಾವ ಉಪದೇಶ, ಅರ್ಥವಾಗದ ಮಾತುಗಳು ಕೂಡ ಇಲ್ಲಿಲ್ಲ.

ಪ್ರವಾಸದ ನೆನಪುಗಳು ಮತ್ತು ಲಲಿತಪ್ರಬಂಧಗಳು ಈ ಕೃತಿಯ ಇನ್ನೊಂದು ಭಾಗ. ಇಲ್ಲಿ ಲೇಖಕರ ಸೃಜನಶೀಲತೆ ಮತ್ತು ಹಾಸ್ಯಪ್ರಜ್ಞೆಗಳಿಗೆ ನಿದರ್ಶನಗಳು ದೊರೆಯುತ್ತವೆ. ಸಂವೇದನಾಶೀಲರು ಇಲ್ಲಿನ ನಗೆಯ ಹಿಂದೆ, ವಿಷಾದದ, ಭ್ರಮ ನಿರಸನದ ಎಳೆಗಳನ್ನು ಗುರುತಿಸಲು ಸಾಧ್ಯ. ಆದರೆ, ಈ ನೋವು-ನಗುಗಳನ್ನು ಮೀರಿ ನಿಲ್ಲುವ ಆಶಾವಾದ ಈ ಬರಹಗಳ ಹಿಂದಿರುವ ಮೂಲಮಂತ್ರ.

ಕನ್ನಡ ವಿಚಾರ ಸಾಹಿತ್ಯಕ್ಕೆ ಇದೊಂದು ಮುಖ್ಯ ಕೊಡುಗೆ. ವಿಚಾರವಾದಿಗಳ ಬೈಬಲ್.