ಅವಧೇಶ್ವರಿ | Avadheswari

ಪ್ರಿಯ ಮೊಕಾಶಿ

ಮೊದಲಲಿ ಹಿಡಿದು ಬಿಟ್ಟು ಕೊನೆಯಲ್ಲಿ ಒಂದೇ ಉಸಿರಿಗೆ ನಿಮ್ಮ “ಅವಧಿವೇಶ್ವರಿ”ಯನ್ನು ಓದಿ ಮುಗಿಸಿದೆ . ಒಂದು ಘನವಾದ ಅಪ್ಪಟ ಕೃತಿಯನ್ನು ಓದಿದ ಅನುಭವವಾಗಿದೆ . ನಿಮಗೆ ಕೃತಜ್ಞ ‌ . ಕೃತಿ ಐತಿಹಾಸಿಕವಾಗಿ ನಿಜವೇ ಎಂಬ ಪ್ರಶ್ನೆ ನನಗೆ ಅಪ್ರಸ್ತುತ . ನಿಮ್ಮ ಜೀವನ ದರ್ಶನ ಕೃತಿಯಲ್ಲಿದೆ. ಆದರ್ಶನವಾದಿಯಲ್ಲದ ನೈತಿಕ ಪ್ರಜ್ಞೆ ಇರುವುದು ಸಾಧ್ಯವೆಂದು ತಿಳಿಯಲಾರದಷ್ಟು ನಾವೆಲ್ಲ ಐರೋಪ್ಯ ಚಿಂತನೆಯಿಂದ ಪ್ರಭಾ ಪ್ರಭಾವಿತರಾಗಿಬಿಟ್ಟಿದ್ದೇವೆ . ಆದರೆ ನೀವು ತೋರಿದ್ದೀರಿ ವೃತ್ತಿಧರ್ಮ, ಕುಲಧರ್ಮ, ಋತ‌ – ಈ ಸಂಕಲ್ಪನೆಗಳು ಆಳವಾದ ನೈತಿಕ ಪ್ರಜ್ಞೆಯನ್ನು , ವ್ಯಕ್ತಿಯ ಅಹಂಕೆಯಿಂದ ಮುಕ್ತವಾದ ಜಾಗತಿಕ ಅರಿವನ್ನು ನಮಗೆ ತಂದುಕೊಡಬಲ್ಲದೆಂದು.