ಹವೇಲಿ ದೊರೆಸಾನಿ | Haveli Doresani

ತಮ್ಮ ‘ಹವೇಲಿ ದೊರೆಸಾನಿ’ ಸಂಕಲನದ ಕಥೆಗಳನ್ನು ಓದಿದೆ. ಕೆಲವು ಕಥೆಗಳನ್ನು ಮೊದಲೇ ಅಲ್ಲಲ್ಲಿ ಓದಿದ್ದೆ. ಉತ್ತರ ಕರ್ನಾಟಕದ ಗ್ರಾಮೀಣ ಪರಿಸರದ ಭಾಷೆಯನ್ನು ಸಮರ್ಥವಾಗಿ ಅದರ ಬೆಡಗು ಬೆರಗುಗಳೊಂದಿಗೆ ಬಳಸಿಕೊಂಡು ತಾವು ರಚಿಸಿರುವ ಕಥೆಗಳು ಇಂದು ಸಮಾಜದಲ್ಲಿ ಕಳೆದು ಹೋಗುತ್ತಿರುವ ಮಾನವೀಯ ಮೌಲ್ಯಗಳು, ಕೌಟುಂಬಿಕ ಸಂಬಂಧಗಳ ಕುರಿತು ಅನೇಕ ಬಗೆಯ ಒಳನೋಟಗಳನ್ನು ಹೊಂದಿವೆ. ತಾವು ಸೃಷ್ಟಿಸಿರುವ ಕೆಲವು ಸ್ತ್ರೀಪಾತ್ರಗಳಾದ ಕಂಟ್ಯವ್ವ, ಜ್ಯೋತಿ, ಶಾವಂತ್ರಿ, ಸುನಂದ ಗಟ್ಟಿಯಾಗಿ ಉಳಿಯುವ ಪಾತ್ರಗಳು. ಇಂದು ಐಟಿ ಬಿಟಿ ವಲಯದ ಅನೇಕ ಯುವ ಲೇಖಕರು ಕನ್ನಡದ ಕಥಾ ಸಾಹಿತ್ಯಕ್ಕೆ ಬಹಳ ವಿಶಾಲವಾದ ಆಯಾಮವನ್ನು ಒದಗಿಸುತ್ತಿದ್ದಾರೆ.